1. Samfélagsgreinarnar hjálpa okkur við að skoða samfélagið utanfrá. Reyndu að setja á blað hvaða óformlegu viðmið stýra aðstæðum í bekknum þínum annars vegar og hins vegar í frítíma þínum. Hvaða viðgjöldum er beitt ef einhver brýtur viðmiðin?

2. Fáðu sex aðila á mismunandi aldri og báðum kynjum til að skilgreina hugtakið ást. Er mikill munur á skilgreiningunum? Er einhver ein þeirra öðrum réttari?

3. Lýstu í meginatriðum þeirri frummótun sem þú hefur fengið. Berðu hana síðan saman við frummótun bekkjarfélaga þinna. Er einhver munur á hvað þið hafið lært?

4. Búðu til lista yfir hvernig nemendur í bekknum eigi að umgangast og koma fram við hverja aðra? Berðu listann síðan saman við lista annarra í bekknum.

5. Félagsleg viðmið:
a) Skrifaðu niður að minnsta kosti þrjú félagsleg viðmið sem gilda í vinahópnum þínum til dæmis hvað varðar hegðun, tónlistarsmekk, klæðnað eða málnotkun.
b) Stangast einhverra viðmiðanna í vinahópnum á við viðmið foreldra þinna? Eru einhver viðmiða vinahópsins þess eðlis að foreldrarnir geti ekki sætt sig við þau? Nefndu dæmi.

.