75 / 92
73
Fjölbreytt samsetning hópa
Mikilvægt er að breyta reglulega samsetningu í hópum og paravinnu.
Þegar hópaskiptingin er gerð skemmtileg verða nemendur oft jákvæðari
gagnvart því að fara í nýjan hóp, auk þess sem aðferðin getur vakið
athygli á því að þeir eiga ýmislegt sameiginlegt. Dæmi um leiðir til að
para nemendur eða setja þá í hópa:
•
Nemendur eru beðnir að raða sér í beina röð á beina línu (t.d. krít
eða málaralímband). Kennarinn segir þeim að nú eigi þeir að raða
sér á línuna eftir aldri, þeir sem eru fæddir fyrst standa fremst og
svo koll af kolli þar til sá yngsti stendur aftast á línunni. Það eru tvær
reglur, það er bannað að tala og maður þarf alltaf að snerta línuna
en það má nota fingur og önnur tákn. Þegar talið er að röðin sé rétt
byrjar elsti nemandinn á því að upplýsa hvenær hann á afmæli og
síðan koll af kolli. Ef þörf er á er röðin leiðrétt. Kennarinn biður þá
fjóra sem eru fyrstir að fara saman í hóp, síðan næstu fjóra og svo
koll af kolli. Það má einnig telja í hópana þannig að t.d. fimmti hver
nemandi verði saman í hóp.
•
Nemendur eru beðnir að mynda fjögurra manna hóp með öðrum
sem eiga mömmu sem hefur sama upphafsstaf í nafninu sínu.
•
Nemendur eru beðnir að mynda fjögurra manna hóp með öðrum
sem hafa sömu þversummu í afmælisdegi sínum.
•
Kennarinn klippir ljóð niður í línur. Hver nemandi fær eina línu.
Nemendur sem mynda sama ljóð eru saman í hópi. Svipað má gera
með reiknisdæmi og ljósmyndir svo nokkuð sé nefnt.
Bækur, vefir og verkefni
10.3
Hér eru fáein dæmi um bækur, vefi og verkefni sem styðjast má við í
forvörnum gegn ofbeldi: Sumt af þessu efni er á heimildaskrá enda að
nokkru byggt á því.
Baginsky. M. (2008).
Safeguarding Children and Schools
. London og
Philadelphia: Jessica Kingsley Publishers.
Davíð Á. Stefánsson. (2012).
Skilaboð móttekin
. Umfjöllun um auglýsinga- og
fjölmiðlalæsi. Námsgagnastofnun.