16 / 212
14
Lifað í lýðræðisríki
................................................................................................................................................................................................................................................................................
Hugtakapúsl – líkan af hugsmíðanámi
Hugtakapúslið er gegnumgangandi í bókinni eins og leiðarhnoða. Það birtist á upphafssíðu hvers
kafla og myndin sem tengist lykilhugtaki viðkomandi kafla er þá í forgrunni. Hér hefur teikningun-
um verið raðað saman þannig að sjá má púslið í heild sinni. Lesa má ýmislegt út úr myndinni.
Í fyrsta lagi gefur texti hverrar myndar greinilega í skyn hvaða hugtak listamaðurinn, Peti Wiske-
mann, hafði í huga. Þegar öllum teikningunum er síðan raðað saman sýnir púslið að hugtökin níu
tengjast á margvíslegan hátt og mynda merkingarbæra heild.
Púslið gefur þó til kynna að sú röð lykilhugtaka sem fjallað er um í þessari bók sé tæmandi; engu
megi bæta við eða sleppa. Frá þeim sjónarhóli gæti virst sem púslið gæfi misvísandi skilaboð, sem
benti til þess að ekki væri um kennslufræðilegt val að ræða innan hugtakaramma bókarinnar.
Þessi níu hugtök mynda auðvitað ekki lokað kerfi hvað varðar kenningar eða skilning. Þau voru
aftur á móti valin vegna þess að þau eru talin vera afar mikilvæg og koma að miklu gagni. Önnur
hugtök hefðu einnig verið áhugaverð, til dæmis peningar, vald eða hugmyndafræði. Bókin býður
fremur upp á hagnýt „verkfæri“ en fræðikenningu og bæði er hægt að staðfæra hana og auka við
efni hennar.