202 / 212
200
Lifað í lýðræðisríki
................................................................................................................................................................................................................................................................................
2. kennslustund
Ef þú værir forseti
Til hvers er ríkisstjórn?
Markmið
Að nemendur geti útskýrt hlutverk og ábyrgð ríkisstjórnar.
Verkefni nemenda
Nemendur ímynda sér að þeir myndi ríkisstjórn og þurfi að ákveða hvernig þeim fjármunum sem
hún hefur til ráðstöfunar skuli varið.
Þeir íhuga hvers konar þjóðfélagslegum markmiðum þeir vildu helst ná.
Gögn
Stórt blað, merkipennar og listi yfir valkosti fyrir hvern fjögurra til sex manna hóp.
Aðferðir
Veggspjöld, kynningar, vinna í litlum hópum og hópumræður.
Hugtakanám
Skylda ríkisstjórnar í lýðræðisþjóðfélagi er að vinna að sameiginlegum hagsmunum allra. Þetta
eru ekki einungis hagsmunir meirihlutans, heldur það sem telst vera ótvíræður hagur alla þegna
þjóðfélagsins. Hvað þetta merkir í reynd er oft deiluefni. Fjöldi þjóðfélagslegra – stundum ósam-
rýmanlegra – markmiða hefur verið tilgreindur, svo sem velferð, öryggi, réttlæti, félagsleg sátt,
mannréttindi eða velmegun. Forgangsröðun þessara þátta í raunverulegum fjárlögum getur verið
erfið viðfangs, einkum vegna þess að stjórnvöld hafa yfirleitt yfir takmörkuðum fjármunum að
ráða.