206 / 212
204
Lifað í lýðræðisríki
................................................................................................................................................................................................................................................................................
4. kennslustund
Nemendaþing
Hvernig ætti að stjórna skólum?
Markmið
Að nemendur geti skilgreint viðmið um stjórn skólans og hlutverk nemendahópsins í því sambandi.
Verkefni nemenda
Nemendur íhuga hvernig hið ímyndaða nemendaþing þeirra myndi starfa.
Gögn
Spurningalisti fyrir hvern nemanda (dreifiblað 9.3) og stórt blað og merkipennar fyrir hvern fjögurra
til sex manna hóp.
Aðferðir
Kynningar, einstaklingsverkefni og vinna í litlum hópum og umræður í bekk.
Ábendingar
Ungmenni eru einnig samfélagsþegnar. Þau eiga rétt á að lýsa skoðunum sínum á hverju því sem
snertir þau og samfélag þeirra, einnig skólann þeirra. Kerfi sem leyfa nemendum að hafa eitthvað
að segja um stjórn skólans tryggja ekki einungis að þeir njóti þessara réttinda heldur stuðla einnig
að því að þeir fræðist um lýðræðisleg ferli. Hvernig kerfið ætti að vera er hins vegar álitamál. Sumir
telja mikilvægt að allir skólar hafi sérstakt nemendaþing, aðrir segja að slíkt sé ekki nauðsynlegt og
að aðrar leiðir séu færar til að skapa nemendum tækifæri til að hafa áhrif á stjórn skólans.
Kennslustundin ætti að byrja á framlagi nemenda sem þeir hafa undirbúið heima. Ef þeir hafa mik-
ið fram að færa og margt þarf að ræða getur þurft að taka viðbótarkennslustund í þetta. Þar sem
tíminn er ekki ótakmarkaður gæti kennarinn einnig farið yfir verkefni nemenda og gert skriflegar
athugasemdir. Hann þarf einungis að gæta þess að verkefnum nemenda sé einhver gaumur gefinn.