207 / 212
205
.............................................................................................................................................................................................................................................................................
9. kafli – Stjórnarfar
Kennslustundin
Nemendur hefja kennslustundina á því að kynna niðurstöður kannana sinna sem sýna hvað fjöl-
skyldum þeirra og vinum finnst um skyldur þegnanna. Nemendur ræða niðurstöðurnar.
Kennarinn kynnir nýja viðfangsefnið með því að vísa til verkefna nemenda, eins og við á, og spyrja
þá hversu vel þeim þyki skólaráðið eða nemendaþingið gegna hlutverki sínu. Ef ekki er um að ræða
neins konar þátttöku nemenda í stjórn skólans sem stendur ætti kennarinn að spyrja nemendur
hvort þeir viti um skóla með slíku fyrirkomulagi, og ef svo er, hvernig það sé.
Kennarinn fær nemendum það verkefni að skipuleggja hið fullkomna nemendaþing – það er
samkomu lýðræðislega kjörinna nemenda sem gæta heildarhagsmuna nemenda skólans.
Hann afhendir nemendum síðan spurningalista (dreifiblað 9.3) sem þeir fylla út sjálfir.
Síðan skiptir hann bekknum í fjögurra til sex manna hópa. Hóparnir fá dálítinn tíma til að bera
saman svör sín við spurningalistanum og spyrja hver annan fleiri spurninga. Þá lætur kennarinn
hvern hóp fá nokkra merkipenna og stórt blað. Verkefni hópanna er að gera stofnskrá fyrir nem-
endaþingið. Kennarinn útskýrir hvað stofnskrá er og gefur nokkur dæmi um reglur sem gætu átt
heima í stofnskrá nemendaþings.
Þegar hóparnir hafa lokið vinnu sinni kynna þeir hana fyrir bekknum og velta fyrir sér álitamálum
sem ber á góma, til dæmis:
• Hversu mikil völd eiga nemendur að hafa og hversu mikil völd eiga skólastjórnendur og
kennarar að hafa?
• Hver á að eiga síðasta orðið þegar kemur að ákvörðunum sem snerta stjórn skólans?
• Getur skóli verið lýðræðissamfélag?
Loks eiga nemendur að útbúa í sameiningu kynningu fyrir skólastjórnendur og, ef þeir vilja, setja
fram raunhæfar tillögur um eigið skólaþing.
Sem heimaverkefni ættu nemendur að gera könnun meðal fjölskyldu og vina og spyrja þá:
• Finnst þér að allir skólar í landinu ættu að hafa nemendaþing? Hvers vegna (eða
hvers vegna ekki)?
Nemendur kynna niðurstöður könnunarinnar í byrjun næstu kennslustundar.