69 / 92
67
Klípusögur.
Hópar draga miða með stuttum frásögnum og fá aðstoð til
að lesa þegar þess þarf. Þeir ræða saman efni frásagnanna og reyna að
finna lausnir. Dæmi:
•
Tvær stelpur í bekknum mínum eru alltaf að horfa á mig og hvíslast
svo á. Ég er viss um að þær eru að tala illa ummig, hvað á ég að gera?
•
Það er strákur í skólanum sem vill oft leika við mig, mér finnst hann
ekkert sérstaklega skemmtilegur en ég vil samt ekki særa hann. Hvað
ætti ég að gera?
Hér skipta samræðurnar meira máli en niðurstöðurnar.
Myndaspil – tilfinningalæsi.
Notast má við alls konar myndir af ókunn-
ugu fólki/börnum. Æskilegt er að myndefnið sé sem fjölbreytilegast
þannig að greina megi mismunandi tilfinningar í andlitum fólksins. Pör
eða hópar draga eina mynd og reyna að túlka tilfinningar viðkomandi.
Hvað hefur gerst, hvar er hún/hann, hvers vegna líður honum/henni
svona? Markmiðið með spilinu er að efla tilfinningalæsi og samræður
en það getur jafnframt gefið kennaranum mikilvægar upplýsingar um
reynslu og tilfinningar einstakra nemenda.
Fjölbreytt samsetning hópa
Mikilvægt er að breyta reglulega samsetningu í hópum og paravinnu.
Þegar hópaskiptingin er gerð skemmtileg verða nemendur oft jákvæðari
gagnvart því að fara í nýjan hóp, auk þess sem aðferðin vekur gjarnan
athygli á því að nemendur eiga ýmislegt sameiginlegt. Dæmi um leiðir
til að para nemendur eða setja þá í hópa:
•
Nemendur raða sér í beina röð eftir afmælisdögum, þeir sem eru
fæddir fyrst á árinu eru fremstir
o.s.frv.Kennarinn biður þá fjóra
sem eru fyrstir að fara saman í hóp, síðan næstu fjóra og svo koll af
kolli. Það má einnig telja í hópana þannig að t.d. fjórði hver nemandi
verði saman í hóp.
•
Nemendur standa á fætur og eiga að finna tiltekinn fjölda nemenda
sem eru jafn háir þeim, með sama augnlit og þeir, í sams konar
sokkum eða borðuðu sama morgunmat.