1. Hvaða atriði finnst þér
að einkenni gott dagblað? Raðaðu atriðunum upp
í forgangsröð, strokaðu út þau
sem þú ert ekki sammála og bættu öðrum
við. Settu þau atriði sem þér finnst
mestu máli skipta efst:
Í góðu dagblaði er:
Mikið um íþróttir
Greinar um áhugaverðar persónur
Mikið um góðar myndir
Lýsingar af öllum hliðum ákveðins máls
Ljóstrað upp um misnotkun valds
Reynt að koma í veg fyrir að fjalla um fólk
sem blóraböggla eða sökudólga
Ferskustu fréttirnar
Fylgst með stjórnmálum á gagnrýninn
hátt
Bakgrunnsefni og fréttaskýringar um pólitísk
málefni
Mikið um auglýsingar
Eigið efni eða aukablað ætlað unglingum.
2. Ræðið í bekknum: Hverjir
eru kostir og gallar við rafræna skráningu og gagnagrunna?
3. Því er haldið fram að
,,Mennt sé máttur." Ræðið í
bekknum hvernig upplýsingar í fjölmiðlum
geti aukið völd og áhrif sumra en dregið úr
völdum og áhrifum annarra.
4. Af hverju eru fjölmiðlarnir stundum
kallaðir ,,fjórða valdið?"
5. Nefndu nokkrar gerðir fjölmiðla.
6. Skrifaðu niður nokkur atriði sem
eru einkennandi fyrir upplýsingasamfélagið.
7. Útskýrðu hvaðan fjölmiðlar
fá efni sitt og nefndu nokkra þætti sem hafa
áhrif á hvaða efni er að lokum birt.
8. Geturðu fundið dæmi um atburð
úr fjölmiðlum sem ekki er neitt sérstaklega
mikilvægur en er samt slegið stórt upp vegna þess
að hann er sérstakur eða óvanalegur?
9. Skoðaðu texta í dagblaði,
tímariti, uppflettiriti, bæklingi eða á
Netinu. Hver er sendandi textans? Hvert er innihald boðskapsins?
Hver er tilgangur sendanda með textanum? Hverjum er boðskapurinn
ætlaður að ná til (hverjir eru móttakendur?).
Er umfjöllunin ítarleg eða yfirborðskennd? Eru
einhverjar aðstæður til staðar sem geta haft áhrif
á túlkun þína á textanum?
10. Hvernig stendur á því
að sumum fréttum er slegið upp á forsíðu
eins dagblaðs (eða sem meginfrétt á einni
útvarps/sjónvarpsstöð) en varla á
þær minnst í öðrum fjölmiðlum.
11. Lestu greinina
sem birtust í Times of Zambía. Hvað er hægt
að flokka sem staðreyndir og hvað sem skoðanir í
textunum? Mundu að það getur verið álitamál
hvað er hvað.
12. Þér er falið að búa
til tvo ferðamannabæklinga um heimabyggð þína.
Öðrum bæklingum er ætlað að ná
til ungs fólks á aldrinum 15-18 ára en hinum
til ellilífeyrisþega. Hvað muntu leggja áherslu
á í hvorum bæklingi fyrir sig? Muntu nota mismunandi
orðalag?
13. Skoðaðu bæklingana sem þú
varst að búa til með gagnrýnu hugarfari. Hvað
eru staðreyndir og hvað eru skoðanir í þeim?
14. Skoðaðu heimasíður nokkurra
skóla eða stofnanna. Hvaða upplýsingar er
þar að finna?
|