Búddadómur / Tákn og helgir dómar / Fáni búddista
Sækja pdf-skjal
Fáni búddista var hannaður árið 1880 og notaður upphaflega í Sri Lanka sem tákn um trú og frið. Árið 1952 var hann svo samþykktur á heimsþingi búddista sem alþjóðlegur fáni búddadóms.
Fáninn er hannaður úr þeim sex litum sem sagt er að hafi skinið í áru Búdda eftir að hann öðlaðist uppljómun sína:
- blár fyrir samúð
- gulur fyrir meðalveginn
- rauður fyrir blessun
- hvítur fyrir hreinleika og frelsun
- appelsínugulur fyrir visku
Sjötti liturinn er svo sambland allra þessara lita.
Fáninn er tákn sameiningar búddista og er notaður í meira en 60 löndum á búddahátíðum, einkum á Vesak hátíðinni. Hægt er að lesa meira um hátíðir búddista í kaflanum Að vera búddatrúar > Hátíðir.
