16
3
Börn sem búa við
ofbeldi á heimilum
Í þessum kafla er fjallað um algeng form illrar meðferðar á börnum og
um áhrif og afleiðingar hennar. Einnig eru rædd þau merki sem starfslið
skóla ætti að lesa í ef það grunar að barn eigi við slíkan vanda að etja. En
fyrst er stutt yfirlit yfir rannsóknir á heimilisofbeldi.
Merking orðsins „heimilisofbeldi“ ræðst af menningu, ólíkum kenningum
og skýringum (Guðrún Kristinsdóttir, 2014). Heimilisofbeldi snýst „í
grundvallaratriðum alltaf um það sama, þ.e. valdbeitingu í kúgunarskyni
gagnvart manneskju sem tengd er geranda tilfinningaböndum.“ (Ingólfur
V. Gíslason, 2008, bls. 17). Þarna er líka bent á að heimilisofbeldi er ekki
einstakur atburður heldur ferli. Þetta er mikilvægt því að í heimilisof-
beldi felst kerfisbundin hegðun sem er undir samfélagslegum áhrifum. Í
þessari valdbeitingu getur falist ofstjórn, eftirlit, tilburðir til einangrunar
eða kúgunar af ýmsu tagi og ofsóknir.
Heimilisofbeldi er
ekki einstakur
atburður heldur
ferli og í því felst
kerfisbundin hegðun
