32
Hvað segja rannsóknir? Ef við tökum fyrir heimilisofbeldi sýndi bresk
rannsókn á skólafræðslu til barna um þetta efni að tilhögunin skipti
sköpum um árangur. Bestur varð hann ef forvarnir voru hluti af skóla-
námskrá og ef samhent þverfaglegt teymi annaðist þær (Ellis, Stanley
og Bell, 2006). Höfundar mæla með að kennarar annist fræðsluna og að
þeir séu ómyrkir í máli um að heimilisofbeldi byggist á kynjamisrétti.
Ýmsum forvarnarverkefnum er fyrst og fremst ætlað að berjast gegn
einelti en summiða að forvörnum gegn hvers kyns mismunun og að því
að bæta og styrkja vellíðan, heilsufar og sjálfsmynd barna. Sænsk úttekt á
slíku starfi sýndi að ekkert eitt þeirra verkefna sem athuguð voru virtist
betra en annað (Skolverket, 2011). Sumt þessa starfs, semmetið var, hefur
verið notað hér á landi, svo sem Olweusar-verkefnið, vinaverkefni og
Lions Quest. Í ljósi niðurstaðnanna mæla sænsku skólayfirvöldin með
því að skólar fylgi almennum ráðleggingum þeirra og sníði verkefni sín
að eigin þörfum, fremur en að kaupa námskeiðspakka.
Samkvæmt breskum þróunarverkefnum gafst
leikræn framsetning efnis vel. Það hefur líka sýnt
sig hér á landi að kennarar eru meðvitaðri um
hvernig þeir eigi að bregðast við ef upp kemst um
ofbeldi í kjölfar fræðslusýninganna
Krakkarnir
í hverfinu
(Guðrún E. Bjarnadóttir, 2014). Þær
hafa verið í boði fyrir alla 2. bekki grunnskóla á
vegum Vitundarvakningar frá 2012 en eiga sér
mun lengri sögu.
2
Skólafólk ætti að vinna eftir áætlunum fyrir börn
sem búa við ofbeldi á heimili sínu til jafns við
aðgerðaáætlanir vegna eineltis og áfalla. Hluti af því er að skólar veiti
kennurum kost á fræðslu og þjálfun í að ræða um fjölmörg viðkvæm
samtalsefni nútímans, svo sem tiltölulega algeng áföll í daglegu lífi,
t.d. hjónaskilnaði og alvarleg veikindi svo og víðtækari efni eins og
hungursneyð og styrjaldir.
Sjá lista yfir aðgengilegt efni á íslensku í 10. kafla.
2 Sjá nánar um sýningar Hallveigar Thorlacíusar og Helgu Arnalds, Brúðuleikhús:
Krakkarnir í hverfinu
-i-hverfinu/
