33
4
Einelti
Einelti er ein birtingarmynd ofbeldis og ef til vill sú sem flest börn þekkja
best til. Í Bretlandi er einelti sú tegund ofbeldis sem flest börn og ung-
menni verða fyrir (Cawson, Wattam, Brooker og Kelly, 2000). Í skýrslu
Samtaka ummenntarannsóknir í Bandaríkjunum (AERA) er ályktað að
einelti sé ein mesta heilsufarshætta sem steðjar að börnum, unglingum
og ungu fólki í bandarísku samfélagi (AERA, 2013). Einelti hefur við-
gengist frá ómunatíð en við erum orðin meðvitaðri um einkenni og
alvarlegar afleiðingar þess. Einelti er oft dulið og sá sem fyrir því verður
kennir sjálfum sér ósjaldan um og reynir að leyna því. Oft hefur eineltið
viðgengist lengi áður en það uppgötvast, jafnvel árum saman. Almennt
er einelti talið flókið félagslegt vandamál fremur en vandamál einstaklinga,
vandamál sem byggist á óheilbrigðum félagslegum tengslum og gildum
og samskiptamynstri hópsins (Dansk Center for Undervisningsmiljø,
2014) enda sýna niðurstöður Skolverket (2011) að þar sem skólabragur-
inn er góður mælist einelti minna en annars staðar. Einelti er að sjálfsögðu
ekki bundið við skóla, sem dæmi má nefna að í
Heimsljósi
lýsir Halldór
Laxness (1967) því hvernig Ljósvíkingurinn stendur einn og varnarlaus
frammi fyrir miskunarleysi heimsins og kennir sjálfum sér um.
Einelti er flókið
félagslegt vandamál
fremur en vandamál
einstaklinga og
hefur alvarlegar
afleiðingar í för
með sér
